الثلاثاء، 7 أبريل 2015

سلسلة الشراء من الانترنت ٢/ موقع boco baby



السلام عليكم 

جيتكم بتجربة جديدة لموقع جديد 

اليوم باشاركم تجربتي مع موقع بوكو بيبي لثلاث مرات والرابعة بالطريق باذن الله 
الموقع : www.boco-baby.com
الموقع فكرته للي مايعرفه يصنع ملابس مميزة للمواليد والاطفال باسمائهم 


مثل ماقلت لكم انا طلبت منه ثلاث مرات وباحكي لكم عن تجربتي الثالثة بما اني تو اليوم استلمت الطلب 



اول شي الموقع يشحن مباشرة الى السعودية مع شركة DHL 
سعر الشحن مو ثابت يتغير بتغير عدد القطع وسعر الشحن غااالي فابدا ماينفع تطلبون قطعة وحدة بس لان بيطلع سعر الشحن اغلى من الغرض نفسه الموقع حلو لتجميع الطلبيات وهذا اللي سويته انا جمعت ٤ طلبيات وسعر الشحن تقسم بين الاربع اشخاص 


الحين نروح لتفاصيل الطلب 


اول شي هذي صورة للطلبات واسعارها وسعر الشحن 




مثل ماتشوفون الطلب يحتوي ٣ بطانيات ، طقمين مكونة من ٤ قطع ، قبعة و طقمين مكونة من ٣ قطع يعني مجموعهم ٨ قطع طلع سعرهم = ٥١٦.٨٠$ 
وسعر الشحن ل ٨ قطع طلع = ١١٥$ 

الاسعار هذي بعد خصم ١٥٪ 

والحين صور للاغراض بعد ماوصلتني 








انا اخترت التجهييز يكون باربع اسابيع فيه باسبوعين لكن سعر الشحن غااالي يزيدون تقريبا ٥٠ الى ١٠٠ دولار 


مواعيدهم دقيييييقة بعد اربع اسابيع يرسلون لي رقم التتبع مع DHL الشحن السريع والطلب يوصلني ب ٥ ايام عمل 

لكن الغريب بهذي الطلبية انهم عاملوها معاملة المستعجل يعني وصلتني في ثلاث اسابيع بس 


تقييمي للموقع :
الإيجابيات  : دقة بالمواعيد وسهولة استخدام الموقع وسريعين بالرد على الاستفسارات 
السلبيات : بس سلبية وحدة تكررت علي مرتين انا اطلب الشحن لمدينة نجران فلما يعطوني التتبع تفاجأت انهم حاطين المرة الاولى عند الوجهة كذا : جدة - نجران والمرة الثانية : ابها - ابها 

راسلتهم بالمرتين وقالوا انو عادي لا تقلقين لان دي اتش ال لازم اساسا يمر بهالمدينتين قبل يوصلك 
ولما اتتبعها توصل للمدينتين هذي بعدين يكتبون انه صار غلط بالوجهة واليوم الثاني يوجهونها لي مباشرة لنجران بدون ما اكلمهم بس هالشي ياخر الشحنة علي يوم كامل :( 


اتمنى هالتقرير يفيد اللي حابين يطلبون من الموقع 

هناك 6 تعليقات:

  1. يقبل فيزة الراجحي للتسوق صح ؟

    ردحذف
    الردود
    1. ايه يقبل انا فيزتي الراجحي بس ادفع بالباي بال اضمن عشان ما يضيع حقي

      حذف
  2. يقبل فيزة الراجحي للتسوق صح ؟

    ردحذف
    الردود
    1. ايه حبيبتي انا فيزتي الراجحي

      حذف
  3. توقعت ان التوصيل يكون مجانا بس ماشاء الله وايد غالي التوصيل

    ردحذف
    الردود
    1. من جد هذا عيب الموقع ان شحنه غاااالي
      عشان كذا انا اجمع كذا طلبية مع بعض واشحنهم سوا واقسم الشحن بينا

      حذف