الاثنين، 16 مارس، 2015

سلسلة الشراء من الإنترنت : ١ / موقع kikki k

السلام عليكم 


طبعا بشهر فبراير طلعت لي فيزا التسوق من الراجحي وهالشهر كان كله تسوق من النت وكل مرة بأجيب لكم تجربتي مع المواقع 





أول شي انا طلعت بطاقتي من الراجحي  فيزا تسوق مسبقة الدفع 

ماراح اتكلم عن كيف اسوي لي بريد امريكي بشوب اند شيب او وورلد شيب او غيرة لان النت مليان مواضيع بالتفصيل عنها الي بيبحث بيلقى وبيستفيد فالسلسلة بتكون عن تجاربي لمواقع وتقييمي لها ورائي بالمنتجات اللي اشتريها 


بأبدأ مع أول موقع 

http://www.kikki-k.com/







طحت عليه بالصدفة وانا ابحث عن بلانر للسنة الجديدة دورت بمواقع كثير وكنت ابي شي عربي بس كلها مخلصة او ما أعجبتني بعدها بديت أبحث بالواقع الأجنبية لقيت أشياء اسعارها مبالغ فيها واشياد بمجرد ماتنتهي السنة ماراح استفيد منها 
لحد ماطحت على هالموقع 

هو باستراليا الجميل بللانر حقته انها قابلة لاعادة التعبئة والتجديد بمجرد ماتنتهي السنة كل اللي عليك تغيرين اوراقه بس وموفرينها بالموقع 



طيب لقيت النوع اللي شريته عليه خصم ٥٠٪  وصراحة هذا اللي حمسني اشتريه 
وكان اصدار محدود لونه ذهبي 

خذيت معه الستيكرات اللي من الموقع للاضافات اللي باضيفها عليه مرة جميلة واستخدانها سهل 


كلفتني كلها مع الشحن ٢٢٥،٢١ ريال 
الشحن ٩.٩٥ دولار امريكي 

طبعا تاخرت بالوصول لي استغرقت ١٩ يوم وهم كاتبين بالموقع ١٠ ايام ! 

وصلني تغليفة ممتاز ماتضرر شي ومهتمين 
وهذي صور للبلانر 












جا داخل هالكرتون الجميل وكلها داخل كرتون ثاني 

شوفوا جمال اللون الذهبي 


من داخل 




طبعا البلانر مرررررة عملي والجيوب اللي داخله مرة فادتني له ٤ جيوب وجيب كبير مفتوح وجيب كبير مخفي وجيب مقفل بسحاب 

البلانر مكون من ٧ اقسام واحد للكالندر الشهري يحتوي ١٨ شهر يعني سنة ونص 
وواحد للاجتماعات وواحد ل to do والاربع الباقي فاضيه انتي تقدرين تخصصينها باللي يناسبك 
جا معه ٣ ورقات ستيكرات 

الجميل فيه ان التقويم مو محددين فيه الشهور يعني تقدرين تشترينه باي وقت من السنة 


حجمه صراحة كبير صدمني يعني بيكن ثقيل لو اشيله معي بكل مكان بس انا ماباحتاج اطلعه كثير 

بعد ماشريت نزلوا الوان ثانية جميلة عليها خصم ٥٠٪ تمنيت اني انتظرت هالالوان وراسلتهم اني ابي ابدل قبل الشحن بس ماوافقوا 

بس لما وصلني البلانر وشفت اللون الذهبي عالطبيعة الصراحة راح الندم مرة جميل وفخم 



بالأخير اكيد انصحكم تشترونه خصوصا اللي عندهم شغلات كثيرة ويبون ينضمونها 

هناك 6 تعليقات:

  1. السلام عليكم .. كيف حالك؟
    ان شاء الله تتهنين فيها حبيبتي ^^
    عندي طلب صغير وباكون لك ممنونة وشاكرة لك انا من زمان وانا ابغى اطلب من الموقع كيكي كي لكن مااقدر افتح حساب في البريد السعودي اطلاقاً لعدم توافر الشخص اللي يفتحه وايضاً في ايباي ماقدرت اطلب منه :( وانا جداً محتاجة للبلانير عشان تخدمني في الجامعة وامور اخرى لكن ماقدرت اطلبها فاتمنى وياليت تقدرين تساعديني في طلبها وتكوني زي الوسيطة تطلبي لي وانا ادفع لك كالعربون في البداية وفي حال الوصول نلتقي في مكان عام وادفع الباقي ايضا مع عربون شخصي لك ^^ اذا كنتي طبعا في مدينة الرياض .. جدا جدا حاكون لك شاكرة وجزيتي خيراً..

    ردحذف
    الردود
    1. للأسف انا مو بالرياض ولا كان خدمتك حبيبتي

      حذف
    2. للأسف انا مو بالرياض ولا كان خدمتك حبيبتي

      حذف
  2. قلبتي ابي موقع يحول العمولات صح وخاصه من موقع kikki k

    ردحذف