السلام عليكم ورحمة الله وبركاته
بوست اليوم باتكلم عن عطوري الشتوية المفضلة بهالفترة
أول شي أنا من النوع اللي أمل من العطور بسررررعة وما أكمل عطوراتي الا نادرا عشان كذا احاول اني اشتري الحجم الصغير من العطر الا اذا لعبوا علي اللي يبيعون واقنعوني اشتري الحجم الكبير لانه اوفر :(
ذوقي بالعطور ما أحب العطور اللي ريحتها سويت يعني مثل الحلويات ولا أحب الفواكه الواضحة
احب المسك والعود الخفيف والزهور
باوريكم الحين مجموعتي المفضلة اللي استخدمها هالفترة وبتلاحظون ان كل واحد ريحته مختلفة عن الثاني
نبدأ بأول عطر
Peut-être
Notes Jasmine, capricious lilac, Bulgarian rose, iris, almond, vanilla
وهذا أكثر عطر أحبه من لانكوم صار له عندي أكثر من سنة ماكان متوفر بالسعودية طلبته من دبي سيفورا وكان سعره تقريبا ٦٠٠ درهم
أكثر كلمة توصف هالعطر انه مميز ماقد شميت أي عطر يشبه له أو قريب منه لا من القديمة ولا الجديدة وهذا اللي حببني فيه ريحته مو قوية تكتم لا هادية وبنفس الوقت ثاااابته
طبعا ماقدر اوصف لكم الريحة لكن لازم لازم اذا رحتوا دبنهامز تشمونه لقيته بدبنهامز العرب مول بجدة من ٤ شهور
بشكل عام احب عطور لانكوم دايم مميزة
L'autre Ôud
- Notes: Essential oils of cypriol and gaïac wood, myrrh and cistus absolutes and gurjum balm, absolute of roses and sulphurous saffron pistils
هذا العطر من لانكوم بعد ريحته عوووود انا كرهت العود يوم هبوا فيها كل البراندز كل شركة صارت تنزل عطر وماعجبني شي منها لانها قوية هذا جاني هدية ماشتريته ريحته جميلة ومو تكتم حبيته
الجميل بهالمجموعة من لانكوم ان تعليبها مميز
كل عطر يجي بكيس قماشي داخل كرتون قوي يمدي تحتفظين فيه
Fan di Fendi Leather Essence Fendi for women
العطر الثالث من فندي وهذي مكوناته ترتيبه يبدأ باللي نسبته اكثر بالعطر
balsamic
leather
aromatic
rose
animalic
اللي حببني بهالعطر ان ريحته نظافة وبودرة على شوي عود وفيه لمحة خفيييييفة من الروايح الشرقية حبيته مرررررة واهم شي عندي ان ريحته مميزة جدا
Roberto Cavalli Eau de Parfum Roberto Cavalli for women
العطر الرابع من روبرتو كافالي وهذي مكوناته ترتيبه يبدأ باللي نسبته اكثر بالعطر
balsamic
vanilla
white floral
sweet
aromatic
صار له عندي اكثر من سنة ونص ، ريحته مميزة وحلوة بس ممكن ماتعجب الكل لان فيه حاجة مو عارفة ايش مرة واضحة ريحتها وقوية احسه بعض الاحيان مثل اليوسف افندي D:
Miss Dior Blooming Bouquet Christian Dior for women
العطر الخامس من ديور وهذي مكوناته ترتيبه يبدأ باللي نسبته اكثر بالعطر
rose
floral
fresh
citrus
fruity
هالعطر ريحته خفيفة ونظافة وتنفع للصبح كثير
ريحته مميزة وماقد شميتها قبل مرة جميل وينفع للاطفال بعد
العطر الأخير من الماجد للعطور اسمه ريتاج
بالبداية كنت حاقرة العطور من المحلات اللي مثل الماجد والعربية لحد ماشميت هالعطر بقريبتي وعجبني مرررررررة
ولما سالتها عنه تفاجات انه من الماجد هذي ثاني علبة لي منه
سعره ب ١٢٠ وبعد التخفيض ب ٦٠ ريال
وبس أتمنى هالبوست يفيدكم للي محتارة بعطور مميزة
واللي مجربة شي من هالعطور اتمنى تقول لي رايها هنا بالتعليقات او انستقرام
حسابي بانستقرام : @ghaaloo
اشوفكم على خير ان شاء الله بالبوست الجاي 3>
ليست هناك تعليقات: